【A&M Diary】行完山嚟到元朗，好想食碗糖水滋潤下。元朗最出名嘅涼粉？「唔好啦」！不如支持一下同路小店，食下臺灣甜品啦！呢間羅東肉焿番係香港首間正宗臺灣肉焿店，喺臺灣宜蘭嘅總店都相當有名氣。今次我哋主要食甜品，肉焿留返下一次啦！

精選炸物拼盤
呢個拼盤有好多唔同類型嘅嘢食，有紫薯球、地瓜球、甜不辣同香腸，全部即叫即炸，非常香口，加埋蒜茸一齊食，就更加惹味。

仙草芋圓1號
呢碗有仙草、三色芋圓、蜜紅豆同海藻水晶。三色芋圓QQ彈牙，有芋泥、地瓜同紫薯三只味；蜜紅豆微甜，又有紅豆粒又有紅豆蓉，口感一流！仙草夠滑，再配埋海藻水晶，成碗嘅配搭好有層次。

<

Tags：好食,元朗,臺灣,羅東肉,焿番,Diary,行完山,元朗,好

轉載：文章來自用戶投稿不代表本站觀點，如有侵權請聯(lián)系我們。