【A&M Diary】打邊爐唔係肥牛就係黑豚肉、唔係芫荽皮蛋鍋就係沙嗲鍋，真?zhèn)S好悶架喎！所以今日就帶A姐嚟到銅鑼灣鵝頸橋附近嘅三鍋，餐廳位置雖然隱秘，但口碑唔錯，仲有好多少見嘅火鍋配料，高質之余仲為味蕾帶嚟全新感官剌激。另外店內亦有依家非常少見嘅海鮮魚缸，食海鮮就肯定夠新鮮啦！餐廳座位亦非常寬敞，坐得夠曬舒服。

蕃茄薯仔鱷魚肉湯
蕃茄薯仔湯肯定大家都食過，但加咗鱷魚肉入去嘅，唔知你又試過未呢？當湯底滾起之后，就一定要先品嘗一嚇個湯！湯底用咗好多蕃茄，所以酸酸微微，夠曬醒胃！而加咗鱷魚尾膠嘅湯底，非常膠口，類似平時花膠湯嘅感覺，鱷魚肉就有止咳嘅功效，而鱷魚尾膠就充滿骨膠原，夠曬滋補！但更重點嘅係，我哋每人飲咗3大碗湯之后，都完全無口渴嘅感覺，相信湯底真材實料，無落味精。

手切牛小排
牛小排係前胸肋骨部位嘅肉，油花雖然相對肥牛少，但分布相當平均，望上去有啲似大理石嘅花紋。但因為油花相對均勻，所以食嘅時候唔會肥淋淋，係相對健康嘅選擇，但肉質仍然非常軟腍，肉味香濃。

手打松露墨魚丸、手打鮮蝦丸
呢度自家手打嘅丸真?zhèn)S非常驚喜！兩款丸都非常彈牙，而且食嘅時候都會爆汁。鮮蝦丸入面有勁多蝦肉，但更喜歡嘅係松露墨魚丸，松露味超香，繼而淡淡爽彈墨魚，絕對係必叫嘅選擇。

鵝粉腸、豬天梯
唔太食內臟嘅A姐，見到鵝粉腸嘅時候，真?zhèn)S有少少驚，但鼓起勇氣之后，卻被佢獨特嘅口感同味道吸引！其實我哋都係第一次食鵝粉腸，佢嘅口感粉粉哋，有類似食鵝肝嘅感覺，但因為油脂相對地多，所以鵝油嘅香味濃郁，口感豐盈！至于豬天梯係豬嘅上顎軟骨，外形很似梯子，所以被稱為豬天梯，口感同鵝粉腸相反，非常爽脆。

即炸響鈴
呢度嘅響鈴係餐廳自家製，外型長身，索湯能力更高！外層炸到金黃鬆脆，經過黃金3秒嘅輕輕一淥，除咗索曬湯嘅精華，更帶有濃郁嘅豆味，值得一試。

秘制西洋菜餃、手工家鄉(xiāng)韭菜餃、手工鮮蝦水餃
新鮮自家包嘅水餃已經唔係新奇事，好多餐廳都有。但三鍋嘅水餃就係叫叫即包，最大分別係個皮唔會雪到硬身，亦無咁易穿窿。而三款水餃都包到漲卜卜，勁足料，咬開嘅時候充滿肉汁，我哋特別鍾意西洋菜餃，除咗西洋菜味超濃又新鮮之外，入面仲加入咗蝦，令水餃更鮮甜彈牙。

<

Tags：好食,隱世,高質,火鍋,銅鑼,三鍋,Diary,打邊,爐唔,

轉載：文章來自用戶投稿不代表本站觀點，如有侵權請聯(lián)系我們。