1

2.2萬大公司 vs 2.8萬細公司

日前，有人于討論區(qū)以選擇題 22k 大公司定28k 細公司為題開post，指自己有兩間公司的offer，不知應如何選擇。

1.2.2萬，大公司就輕鬆啲返5日，啲嘢做慣做熟，學嘅嘢都差唔多學哂，有時忙起上嚟都要ot，不過有補水

2.2.8萬，細公司就返5.5日，部門得幾個人，做嘅嘢會多咗，可以學到唔同嘅嘢

網(wǎng)民：返5.5日同返6日有咩分別

樓主帖文一出，不少網(wǎng)民熱烈回應，大部分一面倒勸樓主應選擇大公司、人工較低的offer。不少人指就算細公司人工高，惟返足5.5日，寧可選擇人工低但返5日的工作。

5.5 同返6日有咩分別？ 5.5即係你星期五人人relax，你仲要第二朝爬起身喎！ 你返到屋企加食埋飯起碼都三點啦 我識所有返5.5日嘅人基本都係當返6日。 返5.5日放一日假好似無休息咁，都唔知邊個發(fā)明返足6日。 放多一日個人生活充實好多！ 叫你返5.5日， 做唔哂又咪要Ot ，跟住做足全日。 不少人指就算細公司人工高，惟返足5.5日，寧可選擇人工低但返5日的工作（圖片：Unsplash）

細公司不穩(wěn)定、福利少 對將來搵工無幫助？網(wǎng)民指兩份工作日薪僅差166元

又有網(wǎng)民表示，細公司人工雖然高，但福利較大公司少，且細公司或會隨時變更政策，分分鐘今日人工2.8萬，聽日人工2.2萬，最后得不償失。更有網(wǎng)民將兩份工作的日薪比較，稱細公司與大公司的日薪差距僅166元，認為樓主不應選擇細公司。

22,000/22 = $1,000/日 vs 28,000/24= $1,166/日
為咗毎日多166蚊，又要畀多4日車錢早起身無happy friday，值得咩？

細公司加5.5日已經(jīng)不了，仲要呢個環(huán)境細公司隨時執(zhí)。 最大問題細公司今日就答應你2.8萬，但可能唔夠一兩個月，覺得無咩生意，轉頭就會直接炒人都唔出奇。 細公司人工高啲係因為包埋醫(yī)藥費。

亦有網(wǎng)民稱，細公司的工作經(jīng)驗對將來搵工沒有幫助，又認為細公司的學習機會不一定多。

細公司、香港公司、返5.5日，你入到去都好快quit；拎住細公司嘅經(jīng)驗去大公司又會睇低你，一樣壓返你價。 細公司學嘢係昆人，無制度、無叻人帶你做，公司做大畀你管都管唔掂！ 你肯定你學曬所有嘢？大公司咁多職位又多機會，有無諗過調職可能可以升職或者搵多啲？ 網(wǎng)民將兩份工作的日薪比較，稱兩者差距僅166元。（圖片：Unsplash）

細公司人工高 將來轉工可叫高價？

雖然大部分網(wǎng)民一面倒勸樓主應選擇大公司的offer，但有網(wǎng)民卻認為細公司的人工較高，樓主可以先返細公司，未來轉工，叫價可以高于2.8萬；反之，假若樓主選擇大公司2.2萬的offer，將來轉工后的人工亦未必可以增加至2.8萬。

細公司做住先，因為你下一份工嘅人工會同呢一份有關，同時搵返5日可以offer你2.8萬嘅工。 梗係2.8萬啦，再轉大公司就有得叫高過28k。 6千差好多，3千內就唔會諗。往好嘅方面諗，返多半日少啲機會使錢，細公司少啲辦公室，學多啲嘢，下次轉工叫價高啲！ 6千其實唔少錢，你放假4日搵唔搵得返呢啲錢？你每個月儲多6千，其實一年都7.2萬，投資下一年差10萬。5日工一定係舒服，但係我會揀6日2.8萬，之后跳個人工又可以叫高啲！ 揀2.8萬，做半年轉工，叫價能力起跑線已經(jīng) 喺你2.2萬嘅20%以上，下份工唔使同人講自己返5.5日。 2.8萬做一年再搵工！2.2萬之后再跳都未必有2.8萬。

不過有網(wǎng)民卻認為，樓主在作出決定前，應衡量自己的需要，假如有經(jīng)濟壓力，應選擇人工較高的細公司；若沒有經(jīng)濟壓力，可依照自己的心意決定。

要睇自己嘅狀況同埋想要啲咩，樓主話自己廿中，如果要準備成家立室，自然有經(jīng)濟壓力，咁當然2.8萬；但如果有家底，唔憂柴憂米，無打算成家立室，當打工，咁咪2.2萬。 而且應該睇比例，舉例而言，如果7.2萬對7.8萬，咁6千算得上咩錢，我就會選7.2萬而唔係7.8萬；但2.2萬對2.8萬，差別算明顯地大。 跟返自己心意最好！ 有網(wǎng)民建議樓主可以先返細公司，未來轉工的話叫價分分鐘高于2.8萬（圖片：Unsplash）